Ish-presidenti i SHBA-ve Donald Trump ka dhënë disa këshilla për pasardhësin e tij Joe Biden, përpara një samiti kur ky i fundit do të takohet me presidentin e Rusisë, Vladimir Putin.
Trump kujtoi takimin e tyre të vitit 2018 në Helsinki për të cilën ai tha se kishte sukses pavarësisht përpjekjeve të spiunëve amerikanë dhe mediave.
“Fat i mirë për Biden në marrëdhëniet me Presidentin Putin – mos bini në gjumë gjatë takimit, dhe ju lutemi, jepjani përshëndetjet e mia më të ngrohta!”- tha Trump në një deklaratë të enjten.
Trump tells Biden not to fall asleep in his meeting with Putin pic.twitter.com/AJ8qz3Wjkl
— AntifaBook.com (@JackPosobiec) June 10, 2021
Biden pritet të takohet me Putinin në Gjenevë javën e ardhshme. Siç shkruan RT, Moska e ka përshkruar takimin si “shumë, shumë të rëndësishëm” por paralajmëroi që askush të mos shpresojë shumë në rezultate. Nuk ka “asnjë arsye për të pritur ndonjë përparim në arritjen e mirëkuptimeve të ndërsjella” ose arritjen e një rivendosjeje të marrëdhënieve”. Kështu u tha gazetarëve zëdhënësi i Kremlinit, Dmitry Peskov.
