Pas largimit të Xhenaro Gatusos nga posti i trajnerit te Napoli, pasi që kjo e fundit nuk arriti të kualifikohet në Ligën e Kampionëve, sot mediat spekulojnë me emrin e ri të trajnerit.
Sipas “Corriere dello Sport”, është trajneri i Portos, Serhio Konseisao, i cili do të emërohet trajner i Napolit në ditët e ardhshme. Sipas artikullit të gazetës, presidenti i Napolit, Aurelio De Laurentis ka vendosur të përshpejtojë gjërat dhe të emërojë Konseisaon si trajner, në ditët e ardhshme.
Portugezi është i pëlqyeshëm pasi ka njohuri të futbollit italian, pasi ishte lojtar tek Lazio, Parma dhe Interi, ndërsa si trajneri i Portos, eliminoi Juventusin në garat e Ligës së Kampionëve.
