Greqia i jep sot fund lock down-it. Pas muajsh izolimi dhe një beteje me pandeminë, për qytetarët grekë ndërpriten kufizimet. Bllokimi i fortë tani është një e kaluar dhe jeta do kthehet në normalitet, për aq sa lejojnë kushtet epidemiologjike.
Kështu nga dita e sotme qytetarët nuk qarkullojnë më me orar të kufizuar dhe nuk kanë më detyrimin të dërgojnë mesazhe vetëm në 6 kode të lejuara kur duan të dalin. Gjithashtu, nga sot lejohet qarkullimi në periferi e zona të ndryshme të vendit.
Siç shkruan gazeta Protothema, fasha orare për lejimin e qarkullimit do të zgjatet deri në 00:30. Në të njëjtën kohë, do të lirohet tregtia me pakicë, e cila gjithsesi do të funksionojë me kapacitetin e protokolleve shëndetësore.
Nga data 14 maj:
- -Dërgimi i mesazhit në numrat 13032 dhe 13033 shfuqizohet.
- -Trafiku zgjatet deri në gjysmë ore pas mesnatës.
- -Muzetë hapen.
- -Hapet turizmi.
- -Kazinotë hapen.
Në të njëjtën kohë, me hapjen e turizmit në vend, liberalizohet udhëtimi ndërrajonal, përveç ishujve Lefkada dhe Evia.
Të gjithë udhëtarët vendas dhe të huaj mbi 5 vjeç duhet të paraqiten me:
- – Certifikatën e vaksinimit (me një periudhë prej 14 ditësh nga doza e dytë)
- – testi negativ PCR (molekular) prej 72 orësh ose test negativ i shpejtë prej 24 orësh
- – Certifikata e sëmundjes (të paktën 2 muaj pas sëmundjes dhe deri në 9 muaj)
Këto dokumente do të kontrollohen detyrimisht nga linjat ajrore dhe kompanitë e transportit. Në të njëjtën kohë, nga 1 qershori, do të lëshohet Certifikata Evropiane e Gjelbër (Green Pass), e cila do të lehtësojë udhëtimin jashtë vendit të atyre që janë vaksinuar ose kanë një test negative, ose një çertifikatë të sëmundjes / shërimit.
Në ditët në vijim, një seri aktivitetesh do të hapen gjithashtu, ndërsa në qershor do të lejohen edhe dasmat dhe pagëzimet në ambiente të jashtme.
