Shëndeti i liderit rus të opozitës Alexei Navalny po përkeqësohet dhe ai ka filluar të humbasë ndjesinë në këmbë dhe duar.
Të paktën kështu ka thënë avokati i tij, Vadim Kobzev, sipas BBC-së.
Navalny sipas avokatit ishte diagnostikuar me hernie diskale.
Javën e kaluar, Navalny filloi një grevë urie për të kërkuar trajtimin e duhur për dhimbjet akute të shpinës dhe këmbëve që ai ndjente.
Avokati i cili vizitoi Navalny të Mërkurën, tha në një postim Twitter: “Aleksei po ecën vetë. Ai ndjen dhimbje gjatë ecjes. Është shumë shqetësuese që sëmundja po përparon qartë sa i përket humbjes së ndjeshmërisë në këmbët, pëllëmbët dhe kyçet e dorës “.
Temperatura e tij kishte rënë në 37C të mërkurën, pasi të hënën ishte me temperaturë. Sipas avokatit, Navalny po humbte 1 kg në ditë për shkak të grevës urie.
Ndërkohë Navalny tha një postim në Instagram, se autoritetet e burgut po e provokonin për ta detyruar të ndalte grevën e urisë, duke pjekur pulë pranë tij dhe duke vendosur ëmbëlsira në xhepat e rrobave të tij.
Shtëpia e Bardhë i ka konsideruar raportet për shëndetin e tij shumë shqetësuese.
Në fillim të kësaj jave, Navalny u zhvendos në një pavion në burgun e qytetit Pokrov me simptoma të një sëmundjeje të frymëmarrjes. Ai ishte ankuar për një kollë dhe temperaturë të vazhdueshme.
