Ministri i Mbrojtjes Niko Peleshi, ka publikuar videon teksa Forcat e Armatosura kontrollojnë perimetrin e Aeroportit të Rinasit pas bllokimit të punës nga kontrollorët e Albcontrol.
“Aeroporti i Rinasit Nënë Tereza është objekt strategjik me rëndësi të veçantë për sigurinë kombëtare. Strukturat tona të Forcave të Armatosura, si pjesë integrale e aeroportit, kanë rritur vigjilencën për të garantuar ruajtjen e perimetrit të sigurisë së aeroportit veçanërisht pas bojkotimit të punës nga kontrollorët e kompanisë së aviacionit civil Albcontrol sh.a”-shkruan Peleshi.