Pas vendimit të KAS për të pranuar ankimimin e Partisë Socialiste, që fletët e votimit të shoqërohen me numra dhe jo me emra kandidatësh, vjen një reagim nga Partia Demokratike.
Sekretari për çështjet zgjedhore të PD-së, Ivi Kaso, ka akuzuar kryeministrin Edi Rama se po përpiqet të manipulojë me çështjen e logos. Kaso thotë se Rama ka turp nga emrat e kandidatëve të PS-së dhe po i fsheh ata pas numrave.
Ai thekson se PD do të apelojë vendimin e sotëm.
“Ёshtё shumë e qartë se çfarë ёshtё duke bёrё Rama.
Ai i sheh sondazhet e vërteta saktësisht si ne, ai sheh qytetarёt që duan ndryshimin, ai e kupton se do të humbasë.
Është shume e qarte qe ai po përpiqet te manipuloje me çështjen e logos. Ligji është i qarte per çështjen e logos Vendimi i sotëm është ne shkelje te ligjit. Ata po përpiqen te ngatërrojnë qytetaret shqiptare me këto lojëra te pista. Shiheni logon- dhe do ta kuptoni qarte se çfarë po përpiqen te bëjnë. Ne do ta apelojmë vendimin e sotëm.
Çështja e dyte i përket vendosjes se emrave ne fletën e votimit. Rama është i turpëruar nga lista e kandidateve te tij, ndaj po përpiqet ti fshehe ata. Ai nuk do qe njerëzit te shohin se për ke po votojne. I bej thirrje deputeteve te PS te kene kujdes sepse Kryetari i tyre po perpiqet ti fshehe nga publiku sepse i turpëruar nga ta.
Edi Rama e di që ne kurrë nuk do të biem dakord për zgjedhje të padrejta, siç ai po përpiqet të tërheqë tani me truket e tij të pista.
Ajo që ai bën është përpjekja pёr të vonuar zgjedhjet me lodrat e tij të pista.
Shqiptarët e dinë këtë dhe tashmë ata janë ngopur me manovrat dhe marifet e tij të ndyra.
Kjo nuk do ta ndihmojë atë.
Unë i bëj thirrje Kolegjit Zgjedhor për të bindur sa më shpejt të jetë e mundur dhe për të hedhur poshtë mashtrimet e ndyra tё Ramës dhe për të lejuar zgjedhje demokratike në Shqipëri në 25 Prill.
Për 8 vjet Rama shkatërroi jetët e shqiptarëve, infrastrukturën, tani ai po përpiqet të shkatërrojë demokracinë tonë. Kjo ёshtë një luftë që Shqipëria të mbetet demokraci dhe ne do të fitojmë.”– ka deklaruar Kaso.
