Shtyhet seanca për për shqyrtimin e kërkesës së ILD-së, për shkarkimin e gjyqtares Enkeleida Hoxha.
Paraditen e sotme, gjyqtarja e Krujës mbërriti me pranga në duar në ambientet e Këshillit të Lartë Gjyqësor (KLGJ), ku pritej të merrej vendimi për shkarkimin e saj.
Me kërkesë të saj për të pasur më shumë kohë t’u mbrojtur, kryetarja e KLGJ-së ka vendosur të shtyjë seancën për 11 mars në orën 10:00.
Kryetarja e KLGJ, Naureda Llagami ka rrëzuar kërkesën e avokatit Ardian Visha për thirrjen e dëshmitarëve dhe marrje provash.
“KLGJ vendos të mospranojë kërkesat e avokatit për thirrjen e dëshmitarëve dhe marrje provash pasi ajo që pretendohet të provohet me prova nuk ka lidhje me objektin e hetimit disiplinor. Vendimi është unanim.”– tha Llagami.
Kujtojmë se gjyqtarja Hoxha u arrestua pak kohë më parë, pasi akuzohet se është përfshirë në një skemë korruptive në Gjykatën e Krujës.
Emri i gjyqtares lidhet me lirimin e shumë të dënuarve me burg përjetë, mes tyre edhe Endrit Dokle, Genc Tafilit dhe Hekuran Billës.
