Winston Churchill ishte një supremacist i bardhë dhe Perandoria Britanike “moralisht më e varfër se Rajhu i Tretë”, kanë deklaruar një grup akademikësh të Universitetit të Kembrixhit. Komentet e tyre tërbuan britanikët patriotë.
Kur ish-kryeministri i Mbretërisë së Bashkuar themeloi Kolegjin Churchill në Universitetin e Kembrixhit në 1958, ai me gjasë nuk mund të kishte parashikuar që në 2021, akademikët atje do të mblidheshin për ta krahasuar atë me liderin e Gjermanisë Naziste, Adolf Hitler. Megjithatë, kjo është pikërisht ajo që ndodhi të enjten, në një diskutim virtual të titulluar, ‘Pasojat Raciale të Z. Churchill’.
I udhëhequr nga Profesor Priyamvada Gopal, pjesëmarrësit në diskutim e quajtën Churchill ‘mishërimin e përsosur të supremacisë së bardhë’ dhe e etiketuan Perandorinë Britanike ‘moralisht më të varfër se Rajhu i Tretë’, sipas Telegrafit. Profesori Kehinde Andreës, pohoi se ‘Perandoria Britanike ishte shumë më e keqe se nazistët dhe zgjati shumë më gjatë’.
Dr. Onyeka Nubia, Profesor në Universitetin e Qytetit Birmingham, shtoi se termat ‘Popuj anglishtfolës’ dhe ‘anglo-sakson’ në ‘Historia e popujve anglishtfolës’ të Churchillit ishin ‘supremacist të bardhë’.
Shkrimtari indiano-amerikan, Dr. Madhusree Mukerjee argumentoi se kryeministri i shikonte indianët si ‘lepuj’ dhe politikat e tij kishin një rol të drejtpërdrejtë në urinë e Bengalit të vitit 1943, në të cilën vdiqën deri në tre milionë njerëz.
Mukerjee minimizoi rolin që Britania luajti në fitoren e Luftës së Dytë Botërore, duke deklaruar, ‘ishin sovjetikët ata që mundën nazistët dhe amerikanët ata që mundën japonezët’.
