Presidenti i SHBA Joe Biden njoftoi të mërkurën se kishte miratuar një urdhër ekzekutiv për sanksione të reja ndaj atyre që janë përgjegjës për grushtin ushtarak të shtetit në Mianmar dhe përsëriti kërkesat që gjeneralët të heqin dorë nga pushteti dhe liderët civilë të lirë.
Biden tha se urdhri ekzekutiv do t’i mundësonte administratës së tij “të sanksiononte menjëherë udhëheqësit ushtarakë që drejtuan grushtin e shtetit, interesat e tyre të biznesit si dhe anëtarët e ngushtë të familjes“.
Ai tha se Uashingtoni do të identifikonte raundin e parë të synimeve këtë javë dhe po merrte hapa për të parandaluar gjeneralët në Mianmar, i cili njihet gjithashtu si Burma, të kenë qasje në 1 miliard dollarë në fonde të mbajtura në Shtetet e Bashkuara.
“Ne gjithashtu do të vendosim kontrolle të forta të eksporteve. Ne jemi duke ngrirë pasuritë e SHBA që përfitojnë nga qeveria Burmane, ndërsa ruajmë mbështetjen tonë për kujdesin shëndetësor, grupet e shoqërisë civile dhe zona të tjera që përfitojnë drejtpërdrejt nga populli i Birmanisë“-tha Biden në Shtëpinë e Bardhë.
