Ish-kryeministri Fatos Nano në një intervistë-rrëfim për emisionin “Opinion” ka folur edhe për raportin me “kundërshtarin e tij politik” Sali Berisha.
Nano tha se për herë të parë Berishën e ka njohur në vitin 1990 në Zërin e Popullit.
“Berishën e kam takuar për herë të parë në Zërin e Popullit. Nëse do më pyesësh se cili është impresioni im për Saliun do them që nuk e pranonte mendimin ndryshe”-tha Nano.
Më tej Nano tha se roli i Berishës në burgosjen e tij ka qenë determinist dhe është investuar personalisht për ta mbikëqyrur.
“Berisha hyri si intelektual mjek, humanist. Në momentin që mori drejtimin e PD-së u bë politik. Më pas ai ka mbikqyrur deri kur ra shteti në 1997 burgosjen time “in persona”. Kam të dhëna që ai është marrë “in persona” me mbajtjen time në burg”-deklaroi ish-kryeministri.
