Bharat Biotech, një firmë farmaceutike indiane që prodhon vaksina Covid-19 dhe vaksina e së cilës po përdoret si mjet imunizimi në mbarë vendin, ka premtuar të paguajë të holla për ata që vuajnë efekte anësore serioze nga ilaçi.
Covaxin e Biotech është një nga dy vaksinat që kanë marrë miratim emergjent në Indi. Covishield, një vaksinë e bazuar në formulën AstraZeneca / Oxford, po administrohet gjithashtu në fushatën e imunizimit në mbarë vendin, fushatë që nisi të shtunën.
Në një deklaratë, Biotech tha se do të paguajë dëmshpërblim për marrësit e vaksinës së saj që përjetojnë ‘efekte serioze të padëshirueshme’, me kusht që episodi shëndetësor ‘të provohet të ketë lidhje shkakësore me vaksinën’.
