Një anije me 12 anëtarë të ekuipazhit në bord u mbyt në Detin e Zi në brigjet turke teksa stuhia goditi zonwn. Dy persona u raportuan të vdekur dhe gjashtë të tjerë u shpëtuan nga Roja Bregdetare Turke.
Anija, e quajtur Arvin, u mbyt pranë provincës veriore të Turqisë, Bartin, raportojnw mediat turke. Fillimisht u raportua si me flamur rus, por ai informacion duket se është i pasaktë.
Një anije me këtë emër dhe klasë po fluturonte me ngjyrat e Palaut që nga viti 2016, sipas faqes së regjistrit detar ‘Vessel Finder’.
Anija kishte 12 persona në bord, 2 shtetas rusë dhe 10 ukrainas, kur u nis nga porti gjeorgjian i Potit dhe po drejtohej për në Burgas të Bullgarisë.
Sipas disa raporteve të medias, anija u përpoq të strehohej pranë bregdetit në Bartin të dielën në mëngjes për shkak të përkeqësimit të kushteve të motit, të cilat më vonë penguan përpjekjet turke të shpëtimit.
