Vendosni fjalën kyçe....

Javët e fundit në krye të OSBE-së, Rama: Ky ishte këshilli më produktiv prej vitesh


Kryeministri Edi Rama ka mbajtur fjalimin e tij përmbyllës në ministerialin pas zgjedhjes së krerëve të OSBE-së.

Rama tha se ky vit që Shqipëria ka drejtuar, ka qenë një vit tejet sfidues. Megjithatë sipas tij, pavarësisht këtyre Shqipëria bëri një debutim dinjitoz.

“Ky duket se është këshilli më produktiv ministror kështu më anë thënë prej shumë vitesh e nuk shoh asnjë arsye pse mos ta përmend një gjë të tillë”, tha Rama.

Rama renditi të gjitha krizat me të cilat u përball Shqipëria në kryesimin e OSBE.

 “Shqipëria shihej si një demokraci e re që shpesh mund të trazohej e larg së pasuri fuqisë diplomatike të shumicës së anëtarëve këtu. Shanset ishin kundër nesh e në krye të vitit vendosa objektiva për të zbatuar angazhimet tona, për të bërë ndryshimin në terren e ndërtuar stabilitetin përmes dialogut.

Qëllimet tona i vendosëm lart, sfiduam veten jo vetëm për të lënë mbresë e sjellë ndikim, e mbajtëm vetën me këmbë në tokë kur nisëm këtë aventurë sfiduese për një vend si yni.

Vetëm pak kohë pas nisjes sonë, ia behu pandemia e frikshme na u desh të punonim nga shtëpitë, të privuar nga mundësia e takimit sy me sy që është thelbësore për marrëveshjet.

Megjithatë na u desh të vazhdonim të bënim këtë punë që nënkuptonte kaq shumë në historinë e marrëdhënieve tona me botën e jashtme.

Ne ishim Koreja e Veriut e Evropës e krejt papritur në u desh të udhëhiqnim përmes një pandemie një organizatë të madhe.

Shanset u përkeqësuan por ne ia dolëm e mundëm të shënojmë përparim,
një progres aspak i dukshëm për të gjithë.

Zbatuam mënyra të reja pune për OSBE, me një kalim të shpejtë për ti marrë vendimet online, s’duket si dicka për tu theksuar por më lini tu kuptoj që e kemi bërë këtë para OKB e të tjerëve e nuk është gjë e vogël besoj.

Më pas erdhi Bjellorusia, papritur megastruktura me shumë reputacion BE e NATO u duken se ishin të padobishme pas barrikadës…kështuqë organizata jonë doli në pah si adresa e vetme për të trajtuar shqetësimin e jashtëzakonshëm për shkeljen e neveritshme të parimeve tona. Oferta jonë nuk u mor në konsideratë. Ndërhyrja e Rusisë…ishte larg së qeni ideale por ishte më shumë se asgjë.

Në këtë fazë gjithçka ishte kundër nesh krizë për mbi krizë por ne nuk hoqëm dorë e nuk lamë asgjë të na ndalte në punën tonë.

E morëm përsipër gjithçka, treguam ambicien e përgjegjësinë tonë e bëmë në mënyrë shqiptare, me këmbëngulje me ca karizëm ndoshta, mësuam gjatë punës por bëmë punën, kundër të gjitha parashikimeve ia dolëm.

Ky këshill është fundi ynë i lumtur, ka qenë fund i mirë më duhet të them dhe më duhet ta them qartë e fortë ishte sukses, por është larg së qeni suksesi im.”– deklaroi Rama.

Ai tha se kishte një listë të gjatë njerëzish që duhen falënderuar, ndërsa i uroi ditëlindjen dhe ambasadorit Igli Hasani.

Kryeministri shqiptar tha se objektivi i ardhshëm është Këshilli i Sigurimit të Kombeve të Bashkuara.

Suedia do të marrë kryesuesimin e OSBE-së më 1 Janar të 2021-it me ministren e Jashtme Ann Linde si kryetare.


Leave a Reply

Your email address will not be published. Required fields are marked *