Mijëra qytetarë në mbarë Francën kanë marrë pjesë në tubime kundër një projektligji të diskutueshëm mbi sigurinë publike, sipas të cilit filmimi i një oficeri policie në detyrë mund të rezultojë në një gjobë të rëndë. Kritikët thonë se kjo nxit mosndëshkimin për sjellje të keqe.
Protestat u organizuan në shumë qytete të mëdha franceze, duke përfshirë Parisin, Marsejën, Lionin, Brestin dhe Nisën, me mijëra pjesëmarrës pavarësisht shqetësimeve të Covid-19.
Demonstruesit po shprehin zemërimin e tyre rreth një projektligji mbi sigurinë publike, i cili u miratua nga dhoma e ulët e parlamentit këtë javë.
Neni 24 i projektligjit ndalon filmimin e punonjësve të policisë në detyrë me qëllim për t’i dëmtuar ata.
Arsyetimi prapa kësaj dispozite, e cila prezanton një gjobë prej 45,000 eurosh apo edhe një vit burg, është se anëtarët e policisë duhet të mbrohen nga mashtrimet dhe ngacmimet në internet.
Kritikët thonë se kjo kufizon liritë gazetareske dhe do të përdoret për të frikësuar njerëzit që duan të zbulojnë brutalitetin e policisë dhe format e tjera të sjelljes së keqe.
