Twitter e ka përcaktuar si ‘mashtrues’ një tjetër postim në Twitter nga presidenti amerikan Trump.
Në një postim para pak ditësh, Trump, theksoi nevojën për të pasur një numër votimi përfundimtar në ditën e zgjedhjeve presidenciale, duke deklaruar se ka ‘probleme të mëdha dhe mospërputhje me fletëvotimet përmes postës në të gjithë SHBA-në’, duke përsëritur ankesat e mëparshme në lidhje me defektet e mundshme në votimin universal në distancë.
Postimi shpejt u shënua me një njoftim që paralajmëronte përdoruesit se ai ishte ‘i diskutueshëm’ dhe ‘mund të jetë mashtrues’, duke i drejtuar ata në një lidhje që shpjegon se ‘votimi me postë është i ligjshëm dhe i sigurt’, duke cituar një grup të ‘ekspertëve’ të preferuar.
Sipas ‘politikës së re të integritetit qytetar’ të Twitter të përditësuar në shtator, platforma tha se do të shtonte etiketime në postimet ‘që përmbajnë informacion të rremë ose mashtrues’ në lidhje me zgjedhjet ose do zvogëlojë dukshmërinë e tyre për përdoruesit e tjerë.
