Me përplasje fizike është shoqëruar një dëgjesë publike mes banorëve të fshatit Bajkaj në Delvinë dhe zyrtarëve të ministrisë, bashkisë e përfaqësuesve të kompanisë Dinamika Shpk.
Shkak për këtë është bërë një vendim i qeverisë për hapjen e një guroreje në Qafën e Breshërit. Banorët kanë pretenduar se dëgjesa publike është bërë pa dijeninë e tyre.
Plani i qeverisë është hapja e një guroreje në një sipërfaqe prej 96 mijë metrash katrorë në zonën ushtarake që ndodhet pak metra larg banesave të fshatit.
Sipas banorëve të zonës, hapja e një guroreje jo vetëm që nuk sjell asnjë përfitim për ta por dëmton turizmin në zonë. Ata i kanë drejtuar një peticion Ministrisë së Mjedisit ku kundërshtojnë hapjen e gurores.
*Video Credit: Balkanweb
