Presidenti i SHBA-së Donald Trump ka bërë një deklaratë të fortë kundrejt universiteteve me pikëpamje të majta duke i quajtur si të indoktrinuar nga e majta radikale.
Madje Trump i ka bërë thirrje Departamentit të Thesarit që të rishikojë statusin e tyre për ti hequr nga lista e përfitimit nga ulja e taksa apo fondeve.
Sipas Trump fëmijët amerikanë duhet të edukohen dhe jo të indoktrinohen.
“Shumë universitete dhe sisteme shkollore janë të indoktrinuar nga e majta radikale, dhe nuk janë edukuar. Prandaj, unë po i them Departamentit të Thesarit të rishqyrtojë statusin e tyre për t’i përjashtuar nga taksat dhe / ose fondet, të cilat do të merren nëse kjo Propaganda ose Akti Kundër Politikës Publike vazhdon. Fëmijët tanë duhet të jenë të edukuar, jo të indoktrinuar!”-shkruan Trump.
