Komisioni i Pavarur i Kualifikimit ka konfirmuar në detyrë gjyqtaren e Apelit të Tiranës, Valdete Hoxha.
Ajo është hetuar në të tre shtyllat e Vettingut: atë të integritetit moral, profesional dhe pasuror.
Valdete Hoxha është pjesë e sistemit të drejtësisë prej vitit 1992 kur ka punuar në Gjykatën e Apelit në Shkodër, më pas në Gjykatën Ushtarake të Apelit në Tiranë.
Pas shkrirjes së kësaj të fundit, ka qenë gjyqtare tek Apeli i Tiranës. Gjatë gjithë këtyre viteve që Hoxha ka ushtruar profesionin si gjyqtare, ndaj saj ka patur 33 denoncime, por KPK nuk beson se ato ishin të mjaftueshme që të mos shpallej e pastër dhe të ndalohej të ushtronte detyrën.
