Gjatë periudhës së pandemisë, ka patur një rritje të kërkesës për pajisje sportive sipas shitësit më të madh në internet të Rusisë, Wildberry.
Të mbetur pa punë e pa palestër dhe të ndaluar të lëvizin me makina, duket se rusët i janë drejtuar disa alternativave të tjera për të kaluar kohën si dhe për të lëvizur, apo stërvitur.
Shitjet e biçikletave u rritën gjashtëdhjetëfish nga data 1 deri në 24 maj në krahasim me të njëjtën periudhë të vitit të kaluar.
“Mbyllja e përkohshme e klubeve të fitnesit, marrja me qira e biçikletave, skuterëve dhe patinave çuan në një rritje të blerjeve të pajisjeve sportive në dyqanin online”– tha kompania për RIA Novosti, citon RT.
Në veçanti, shitjet e biçikletave me dy rrota u rritën 60 herë, skateboards me dhjetëfish, patina tetëfish, skuterët 6.5 herë. Kërkesa për zilet dhe mjetet e biçikletave u rrit nëntëfish.
Kompania gjithashtu thotë se ka patur një rritje prej 10-fish në shitjet e litarëve të kërcimit, si dhe rritje 5-fish për topa. Kërkesa është rritur edhe për lodrat e kontrolluara me telekomandë, si helikopterë, tanke, vetura dhe anije.
Sipas revistës Forbes, Wildberry është shitësi më i madh në internet i Rusisë.
