Në kohën kur po zhvillohet mbledhja e Komisionit të ngritur për shkarkimin e presidentit Ilir Meta, ky i fundit ka reaguar përmes një postimi në “Facebook” ku shkruan: “Sot është dita e Referendumit të tradhtuar. KOHA PËR REFERENDUM TË RI!”
Këtë reagim presidenti e ka shoqëruar me një foto të Kushtetutës së Shqipërisë dhe me një foto ku përshëndetet me një punonjës të Gardës së Republikës.
Në këtë mbledhje, pritet të shqyrtohet opinioni i Komisionit të Venecias, i cili deklaronte se Meta kishte tejkaluar kompetencat por nuk mund të shkarkohej.
Kreu i këtij komisioni Ulsi Manja tha se presidenti i kishte dërguar komisionit një informacion të klasifikuar, që do shqyrtohej nga anëtarët e këtij komisioni.
