Vendosni fjalën kyçe....

Shtyhet vendimi për Kopshtin Botanik


Gjykata Administrative e Apelit e ka shtyrë vendimin lidhur me kërkesën për anullimin e një VKM-je që ndryshon pronësinë për 15 Ha të Kopshtit Botanik.

Pedagogë, studentë qytetarë e aktivistë, u mblodhën sot përpara gjykatës për të kërkuar anulimin e VKM-së.

Në protestë kishte edhe përfaqësues nga politika.

Dekani i Fakultetit të Shkencave Spiro Dushku tha se destinacioni i Kopshtit Botanik si “vend rekreativ” është gjëja e fundit që mund të mendohet, sepse ai është qendër kërkimore shkencore dhe duhet t’i mbetet universitetit.

Në vendimin e datës 17 korrik, qeveria njoftoi se Kopshti Botanik bëhet pjesë e pasurive të paluajtshme të Bashkisë së Kryeqytetit. Por ky vendim është kundërshtuar nga Fakulteti i Shkencave të Natyrës që e çoi çështjen në Gjykatë Administrative. Opozita akuzon dyshen Rama-Veliaj se po e bëjnë këtë veprim me qëllim për të ndërtuar kulla në hapësirën e Kopshtit Botanik./Hashtag.al

 

 


Leave a Reply

Your email address will not be published. Required fields are marked *