Dy makina janë djegur gjatë natës në Tiranë. Mjetet të markës VW, njëri “Golf” dhe tjetër “Passat”, janë djegur në zonën e Vasil Shantos dhe njëri prej tyre i përket avokatit, Loren Liço.
Ato kanë qenë të parkuara në oborrin e pallatit ndërsa sipas policisë, djegia ka qenë e qëllimshme.
Mjeti tip “Golf” në pronësi të Liços, përdorej nga e ëma, gjyqtarja e Gjykatës së Tiranës, Arjana Liço.
Kamerat e pallatit kanë fiksuar autorin e zjarrvënies, i cili ka qenë i maskuar me një kapuç të bardhë.
Ai kapet duke u larguar ndërsa kalimtarët kanë mundur të fikin zjarrin, ç’ka ka bërë që mjetet të marrin dëmtime të lehta.
