Partia në qeveri Rusia e Bashkuar pësoi një goditje nga tre parti të opozitës, kandidatët e të cilëve morën gati gjysmën e vendeve të Këshillit Bashkiak të Moskës në zgjedhjet mes polemikash në metropolin rus.
Me të gjithë votat e numëruara, Rusia e Bashkuar arriti të mbajë shumicën në këshillin e qytetit me 45 anëtarë, por numrat në këshill ranë me 25 të zgjedhur. Komunistët, konkurrentët e tyre, dolën të dytët dhe fituan 13 vende, nga vetëm pesë në 2014.
Yabloko, partia më e vjetër liberale e Rusisë, mori katër vende ndërsa Fair-Rusia e qendrës së majtë fitoi tre. Rusia e Bashkuar, kandidatët e së cilës zyrtarisht kandidonin si të pavarur, humbën gati një të tretën e rretheve ndaj rivalëve të tyre të opozitës. Pjesëmarrja e votuesve ishte pak mbi 21 përqind.
Zgjedhjet në Moskë pasohen me protestat e opozitës të cilat shpërthyen pasi zyrtarët e zgjedhjeve skualifikuan kandidatët e shumtë liberalë, duke përmendur dështimin për të mbledhur mjaft nënshkrime të votuesve të mirëfilltë. Pothuajse çdo fundjavë, që nga fundi i korrikut, dhjetëra mijëra u bashkuan në protesta të autorizuara dhe të pa autorizuara, disa prej të cilave përfunduan në përleshje me policinë, raporton RT.
