India do blejë aeroplanmbajtësen e saj të dytë të prodhuar në vend, me vlerë rreth 4.8 miliardë dollarë, për t’u përballur me praninë detare të Kinës në rajonin e Oqeanit Indian.
Këshilli i Blerjes së Mbrojtjes, i udhëhequr nga ministri i Mbrojtjes Rajnath Singh, pritet të miratojë blerjen të premten.
Transportuesi i ri do mbajë në bord të paktën 28 avionë luftarakë dhe helikopterë. Ai do pajiset me avionë francezë ‘Rafale’. Transportuesi i parë shtëpiak i Indisë, INS Vikrant, iu bashkua flotës vitin e kaluar. Vendi ka gjithashtu një aeroplanmbajtëse të prodhuar nga Rusia.
Një grup beteje me tre aeroplanmbajtëse do jetë një shfaqje e forcës për marinën indiane në Oqeanin Indian në një kohë kur krahu detar i Ushtrisë Çlirimtare Popullore të Kinës – marina më e madhe në botë, me 370 anije dhe nëndetëse – po shënon gjithnjë e më shumë praninë e saj në rajon.
Një flotë e zgjeruar gjithashtu i jep Indisë aftësinë për të ushtruar ndikim në dete duke qenë e pranishme në shumë vende të largëta në mëyrë të vijueshme. Përfaqësuesit e Ministrisë së Mbrojtjes dhe Marinës Indiane nuk pranuan të komentojnë.
Oqeani Indian është tashmë shumë i militarizuar me rreth 125 anije detare, duke përfshirë ato nga SHBA-ja, Franca dhe Japonia, që bredhin në ujërat e tij në çdo kohë, afërsisht trefishi i numrit të anijeve të vendosura pas sulmeve terroriste të 11 shtatorit. kur Uashingtoni pushtoi Afganistanin.
Ujërat jashtë Indisë nuk kanë parë një konkurrencë kaq të fortë që nga Lufta e Dytë Botërore, pasi si Kina, ashtu edhe SHBA-ja dhe aleatët e saj po vendosin më shumë anije luftarake në zonë. Kjo po e detyron kombin e Azisë Jugore të rrisë gjithashtu forcën e tij.
India planifikon të ketë 160 anije luftarake deri në vitin 2030 dhe 175 deri në vitin 2035 me një kosto të vlerësuar prej 2 trilionë rupish (22.4 miliardë dollarë), sipas njerëzve të njohur me çështjen.
Më shumë se 60 anije të Marinës Indiane janë tashmë në faza të ndryshme të ndërtimit, shtuan ata. Vendi po kryen më shumë patrulla luftarake se kurrë më parë, mes shqetësimeve në rritje për aftësitë detare në rritje të Kinës.
India ka përmirësuar gjithashtu pistat e uljes së avionëve në ishujt Andaman dhe Nicobar duke lejuar aeroplanët të ulen gjatë natës, thanë burimet.
Kjo është një përpjekje për të mbajtur një vëzhgim më të ngushtë mbi ngushticat e ngushta ujore të Malaça, Sunda dhe Lombok në Oqeanin Indian jugor. Zinxhiri i ishullit përdoret nga India dhe partnerët e saj për mbikëqyrjen detare.
VINI RE: Ky material është pronësi intelektuale e Timesofindia
Përgatiti për Hashtag.al, Klodian Manjani
