Dy shqiptare kanë humbur jetën në një aksident rrugor në Gjermani. Mësohet se në aksident u përfshinë dy makina tip Mercedes ku ndodheshin dy motrat dhe një automjet tip Opel, që u përplasën me njëra-tjetrën.
Përplasja rezultoi fatale për dy motrat shqiptare me origjinë nga Gjakova, me inicialet H.Sh dhe F.Sh, të cilat ishin të martuara.
Nga ky aksident mbetën të plagosur edhe katër persona të tjerë. Shoferi i makinës tip “Opel”, thuhet se është në gjendje të rëndë në spital, ku po lufton për jetën.
