Pas takimit me kreun e PD-së, Basha, zv.ambasadorja amerikane, Moses-Ones, ka vajtur në zyrën e kryetares së LSI-së, Kryemadhi, ku ka zhvilluar një takim.
Takimi vjen pas protestave të fundit të opozuitës dhe vendimit për djegien e mandateve nga ana e saj. Opozita kërkon dorëheqjen e kryeministrit Rama, qeveri teknike dhe zgjedhje të lira e të ndershme.
Më herët Moses-Ones vajti edhe në zyrën e Bashës.
Pas përfundimit të takimit, kryedemokrati tha se nuk i komentonte takimet dhe deklaratat e miqve ndërkombëtarë por theksoi se opozita nuk do bëjë asnjë hap pas deri në kthimin e demokracisë dhe funksionit të institucioneve në vend.
