Komisioni Qendror i Zgjedhjeve i ka dërguar një letër Kuvendit, ku i kërkon shpjegime lidhur me specifikimet për vakancat pas vendimit të deputetëve të opozitës për djegien e mandateve.
Në letrën dërguar Kuvendit, KQZ-ja kërkon më tepër shpjegime prej tij mbi dokumentet e dërguara lidhur me dorëheqjen e deputetëve të opozitës nga mandatet.
Kërkesa e KQZ ka për qëllim saktësimin, pasi janë vërejtur paqartësi në specifikimet ligjore në dokumentin ku kërkohet nisja e procedurave për zëvendësimin e deputetëve të dorëhequr.
Sipas KQZ, 56 njoftimet për dorëheqjen e të deputetëve të opozitës nuk janë korrekte, pasi në to nuk përcaktohet krijimi i vakancave, sikundër parashikon ligji zgjedhor.
