Pas premtimeve të para pak ditëve në Vlorë, Rama ka bërë të njëjtën gjë, kësaj here në Kuçovë. Në një takim në bazën ajrore të Kucovës, ku foli për projektin e NATO-s për zgjerimin dhe shndërrimin e saj në një pikë mbështetëse për Aleancën.
Kreu i qeverisë tha se në vijim do rrisë rrogat e ushtarakëve më 19% ndërsa qeveria do modernizonte edhe bazën ajrore të Farkës, investime që sipas tij do përmirësonin edhe ekonominë e zonave përreth bazave.
“Do i bëjmë një rritje të re pagave të ushtarakëve që janë angazhuar në Forcat e Armatosura. Do bëjmë një rritje të konsiderueshme. Shumë më të lartë se shifra që patë në ekran. Do fillojmë me një rrije page prej 19% për ushtarët duke e shkallëzuar atë më tej sipas shkallëve. Është rritja më e madhe e Forcave të Armatosura por e stërmeritiar.” – deklaroi Rama.
Para pak ditësh, kreu i qeverisë ishte në Vlorë, ku takoi qytetarët për të diskutuar buxhetin e infastrukturës 2019-të. Në fjalën e tij Rama tha se qeveria do nisë ndërtimin e rrugës Orikum-Llogara, ndërsa parashikon edhe një tunel në Llogara.
Të tjera premtime që dolën nga goja e kryeministrit ishte ndërtimi i aeroportit të Vlorës, stadiumit të ri për ekipin e Flamurtarit si dhe ndërtimi i hekurudhave.
Pak javë më parë, në Kukës, kreu i qeverisë premtoi sërish vënien në funksion të aeroportit të Kukësit si dhe investime të tjera në infrastrukturën e qytetit verior. /Hashtag.al
