Vendosni fjalën kyçe....

Heqja e “Shqiponjës”, PD publikon videon e inagurimit: Bashkë me oligarkët po shkatërrojnë historinë


Projekti i “Unazës së Madhe” nuk do të prishë vetëm qindra banesa por edhe sheshin “Shqiponja”. Nga ky projekt është prekur edhe statuja e Shqiponjës, e cila ishte vendosur me kontributin e vëllezërve Destani në sheshin me të njëjtin emër për 100-vjetorin e Pavarësisë.

Ajo tashmë është hequr nga sheshi. Në lidhje me këtë vendim të qeverisë ka reaguar edhe PD-ja. Zëdhënësja e Partisë Demokratike, Ina Zhupa ka shpërndarë momentin e inaugurimit  me anë të një video në rrjetin social “Facebook”.

 Duke dënuar aktin e largimit të shqiponjës, Zhupa shkruan se Rama bashkë me oligarkët po shkatërrojnë historinë e Shqipërisë dhe shqiptarëve. Sipas saj,  në vend të simboleve po ndërtohen kulla, të cilat përdoren më pas për të mbushur xhepat e një grupi të ngushtë njerëzish.

“Disa zgjedhin te nderojne simbolet kombetare, ndersa disa zgjedhin t’i shkulnin dhe t’i quajne vullgare. Disa zgjedhin te mbledhin bashke shqiptarine per te lartesuar historine dhe simbolet, ndersa disa zgjedhin te mbledhin bashke oligarket e te shkaterrojne historine, te urrejne simbolet dhe te lartesojne kullat qe ju mbushin xhepat. Zgjedhja e madhe ju takon shqiptareve.”, shkruan ajo.


Leave a Reply

Your email address will not be published. Required fields are marked *