Artem Dzuyba, ish-kapiteni i kombëtares ruse dhe golashënuesi më i mirë i të gjitha kohërave, ka zbuluar vendimin e tij për t’u larguar nga Zenit Shën Petersburg në një mënyrë të çuditshme.
Asi golashënues 33-vjeçar njoftoi në një postim në rrjetet sociale të dielën se do të largohej nga klubi që përfaqëson që nga viti 2015 dhe e bëri këtë duke qenë i veshur si superheroi popullor ‘Deadpool’, i cili është luajtur në dy filma të njohur të Hollivudit nga aktori kanadez Ryan Reynolds.
“Shën Petersburg, faleminderit për gjithçka!” shkroi Dzyuba në llogarinë e tij në Instagram, së bashku me një video që tregon sulmuesin e njohur të veshur me veshjet e kuqe të Deadpool jashtë stadiumit ‘Gazprom Arena’ të skuadrës me kapacitet 68,000.
Videoja tregon gjithashtu një përzgjedhje të momenteve kryesore nga karriera e Dzyuba te Zenit, për të cilin ai shënoi gjithsej 106 gola në 236 paraqitje.
Ndeshja e tij e fundit për klubin erdhi të shtunën, në një humbje 1-0 nga Nizhny Novgorod. Dzyuba nuk përmendi se cila do të jetë lëvizja e tij e ardhshme, apo nëse ai synon të vazhdojë të luajë në Rusi apo të kërkojë një lëvizje jashtë vendit në një klub tjetër.
