Shoqata “Çamëria” ka reaguar pas atentatit të ndodhur në Sarandë, ku humbi jetën Rexhep Ismaili, kryetar i degës së kësaj shoqate në qytet.
Në deklaratë, shoqata shpreh dhimbje të thellë për ndarjen nga jeta të tij, duke e cilësuar Ismailin si një “zë të palëkundur dhe mbrojtës të pashoq të çështjes çame që prej fillimeve të demokracisë”.
Njëkohësisht, Shoqata “Çamëria”, dega Vlorë, e ka dënuar ngjarjen e rëndë dhe ka kërkuar zbardhjen e menjëhershme të saj nga autoritetet përkatëse. Në reagim janë shprehur edhe ngushëllime për familjen dhe bashkëpunëtorët e viktimës.
Ngjarja ka shkaktuar reagime dhe tronditje në komunitetin lokal, ndërsa hetimet për atentatin vijojnë.
