Kryeministri Edi Rama dhe ministri për Bujqësinë dhe Zhvillimin Rural Andis Salla në kuadër të turit “Punët e Shqipërisë” zhvilluan një takim me fermerët në Dibër.
Gjatë takimit Rama deklaroi se Shoqëritë e Bashkuara Bujqësore janë një formë moderne bashkëpunimi në bujqësi, e ngjashme me kooperativat e vendeve të Bashkimit Evropian, por pa modelin e vjetër të së kaluarës.
Sipas tij, këto struktura synojnë që fermerët të bashkëpunojnë në prodhim, uljen e kostove, përpunimin dhe tregtimin e produkteve bujqësore.
“Jo si kooperativat e dikurshme por si kooperativat e BE. BE funksionon me kooperativa kur secili prodhon më vete dhe të gjithë sepse ishim bashkë.
Duke shitur bashkë krijojnë një volum shumë më të madh por harmonizojnë veprimtarinë prodhuese, ama mbjellin me një farë ndajnë kostot e punimit të tokës, përkujdesjes për prodhimin dhe grumbullojnë e ambalazhojnë e shesin.
Shoqëri të bashkuara Bujqësore, SHBB kështu shkruhet në lidh për të shmangur traumën e së shkuarës sikur po mblidhemi në kooperativa.
Ndaj kemi vendosur mbështetje financiare, institucionale dhe bashkëpunim me shtetin në këtë bashkim. Bashkia është aksionere në atë që i kishit gjetur edhe emrin, sepse po bënim shaka aty thash vërjani Dibra United si Manchesteri por ia kishit gjetur Dibra Origin.
Të bashkohemi ndryshe nuk e përballojmë dot përballjen që vjen me integrimin. Ku do t’i shesim produktet, me çanta në rrugët e Brukselit? Si do të sigurohet siguria ushqimore?”, tha ai.
