Ushtria izraelite ka deklaruar se ka eliminuar nivelet më të larta të komandës ushtarake iraniane në goditjen e saj të parë, duke vrarë 40 komandantë të lartë brenda më pak se 60 sekondash.
Sipas Israel Defense Forces (IDF), mes të vrarëve është edhe shefi i Shtabit të Përgjithshëm të Iranit, Abdolrahim Mousavi, i cili kishte marrë detyrën pas vrasjes së paraardhësit të tij gjatë luftës së qershorit 2025.
IDF thekson se tashmë ka konfirmim përfundimtar për vdekjen e tij.
Sipas ushtrisë izraelite, Mousavi drejtonte aparatin e sigurisë së Iranit dhe mbikëqyri lëshimin e qindra raketave balistike drejt qyteteve izraelite, sulme që, sipas Izraelit, shkaktuan viktima mes civilëve.
Në vlerësimin e saj, IDF deklaron se shumica e figurave më të larta të lidershipit të sigurisë në Iran u eliminuan në këtë sulm, duke e cilësuar atë si një goditje të gjerë ndaj strukturës komanduese të Teheranit.
