Vendosni fjalën kyçe....

Asgjë s’do ndihmonte më shumë në paqen e rajonit se integrimi i Kosovës në BE e NATO – Kurti


Kryeministri i Kosovës, Albin Kurti, tha se asgjë nuk i shërben më shumë paqes dhe sigurisë së rajonit dhe Evropës sa anëtarësimi i Kosovës në BE dhe NATO.

Në një videomesazh në Internacionalen Socialiste, që është organizim i partive të majta, Kurti ka thënë se “sa më shumë që integrohen qytetarët e komunitetit serb në Republikën e Kosovës, aq më të vështirë e ka Serbia që ta arrijë te vizioni i saj për zgjerim territorial”, shkruan Koha.

“Vetëm vitin e kaluar Serbia i kidnapoi tre policë prej brenda kufijve tanë dhe më 24 shtator bëri sulm terrorist që vrau një polic, me qëllimin përfundimtar që ta aneksojë pjesën veriore të territorit tonë….Jemi të përkushtuar fort në vlerat dhe idetë që i përshkojnë këto organizata dhe nuk ka asgjë që do t’i kontribuonte më shumë paqes, stabilitetit, sigurisë dhe demokracisë në Ballkan Perëndimor dhe Evropë sesa anëtarësimi i Kosovës”, tha Kurti.