Dinamo fitoi minimalisht 1-0 ndaj Teutës në ndeshjen e kampionatit të luajtur në “Air Albania”.
Durrsakët fituan penallti në minutën e 33-të pas një kontakti Smaçi-Daja. Portieri Sali ndali Peposhin, por 11-metërshi u përsërit pasi pati hyrje të lojtarëve në zonë.
Gjithsesi, Sali u kthye sërish në protagonist, pasi e neutralizoi përsëri sferën. Në pjesën e dytë, skuadrat u treguan të kujdesshme, për shkak të frikës nga pësimi i golit. Dinamo ia doli falë golit të Denisson në fund.
Me këtë rezultat, dinamovitët janë në vendin e katërt me 42 pikë. Teuta është në vendin e shtatë me 34 pikë.
