Një fëmijë ka vdekur dhe dy të tjerë janë plagosur rëndë nga të shtënat në një shkollë në Finlandë, thotë policia, përcjell BBC.
Ministria e Punëve të Jashtme të Kosovës, ka konfirmuar se në mesin e të plagosurve nga sulmi në është edhe një vajzë shqiptare nga Kosova.
Në njoftim bëhet e ditur se MPJD-ja, përmes ambasadës së Kosovës në Stokholm është në kontakt të vazhdueshëm me autoritetet finlandeze dhe me familjen e vajzës së plagosur.
“Në lidhje me ngjarjen tragjike që ndodhi sot në qytetin Vanta, respektivisht shkollën Viertola, ku u vra një person dhe dy të tjerë u plagosën, Ministria e Punëve të Jashtme dhe Diasporës nëpërmjet Ambasadës së Republikës së Kosovës në Stokholm ka arritur që të konfirmojë nga familjarët se në mesin e të plagosurve është edhe një vajzë shqiptare nga Kosova”, thuhet në njoftim.
Policia finlandeze tha se të tre viktimat ishin rreth 12 vjeç dhe se një i dyshuar, gjithashtu i moshës 12 vjeç, kishte ikur por më vonë ishte arrestuar.
Prindërit i thanë mediave finlandeze se të shtënat kishin ndodhur në një klasë në shkollën Viertola në Vantaa, në veri të kryeqytetit, Helsinki.
Mësohet se i dyshuari ka përdorur një armë me leje për një të afërm të tij. Pronësia e armëve është e përhapur në Finlandë dhe fëmijët mbi 15 vjeç mund të kenë licenca për të përdorur armë zjarri të njerëzve të tjerë.
