Një plagosje me armë zjarri ka ndodhur në Shkodër.
Një 59-vjeçar është paraqitur në spitalin e Shkodër me plagë në këmbë që dyshohet se janë të shkaktuara nga arma e zjarrit.
“Rreth orës 16:15, në Urgjencën e Spitalit Rajonal Shkodër, ka shkuar për ndihmë mjekësore shtetasi A. Z., 59 vjeç, banues në fshatin Guci, Shkodër, i cili dyshohet se është plagosur me armë zjarri në këmbë jashtë rrezikut për jetën.
Shërbimet e Policisë, sapo kanë marrë njoftim, kanë shkuar menjëherë në vendngjarje.
Ndërkaq, grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes”-njofton policia.
