Reshjet e ditës së sotme kanë shkaktuar disa probleme në Koplik, Sarandë e Ksamil.
Në Koplik, reshjet çuan në daljen nga shtrati të Përroit të Thatë që vërshoi në rrugët e qytetit.
Përmbytja shkaktoi dëme materiale pasi disa banesa e biznese përfunduan nën ujë.
Dëme u shkaktuan edhe në fshatin Gradec dhe në lagjen Culaj në qytetin e Koplikut.
Reshjet shkaktuan përmbytje edhe në qytetet jugore, Sarandë e Ksamil.
Në Sarandë u përmbyt shëtitorja ndërsa në Ksamil disa rrugë me bizneset përreth.