Sheynnis Palacios nga Nikaragua u kurorëzua Miss Universe 2023 në kulmin e konkursit vjetor të bukurisë, i cili u zhvillua mbrëmjen e së shtunës në kryeqytetin e Salvadorit, San Salvador.
Anntonia Porsild nga Tajlanda u rendit e para nënkampione. Fituesit e konkurseve kombëtare të 84 vendeve kishin konkuruar në Miss Universe të këtij viti, gjykuar nga një panel që përfshinte modelen Halima Aden, yllin e “Queer Eye” Carson Kressley, influencuesin e TikTok Avani Gregg dhe dy ish-fituesit e Miss Universe, Janelle Commissiong të Trinidad Tobago (Miss Universe 1977) dhe Iris Mittenaere të Francës (Miss Universe 2016).
Njëzet gjysmëfinalistë u njoftuan në fillim të procedimeve të së shtunës mbrëma pas rezultateve të garës paraprake (dhe një votimi global të tifozëve). Pas raundit të rrobave të banjës, fusha u ngushtua në 10, duke parë eliminimin e konkurrentes së parë “curvy” që bëri gjysmëfinalen e konkursit, Miss Nepal, si dhe konkurrenten e parë që zgjodhi një burkini si rroba banje e cila ishte Miss Pakistan. Raundi i fustaneve të mbrëmjes shkurtoi përsëri numrin e konkurrentëve në gjysmë.
Miss Kolumbia, Camila Avella dhe Miss Puerto Rico, Karla Guilfú, përfunduan pesë vendet e para, ndërsa një tjetër anëtare e 10 më të mirëve, Athenea Pérez e Spanjës, u kurorëzua Miss Kongeniality e konkursit. Palacios pason Miss Universe 2022, R’Bonney Gabriel nga SHBA.
VIN RE: Ky material është pronësi intelektuale e CNN.