Deri në vitin 2030, distrikti financiar i qytetit të Londrës do ketë mbirë nga një grup rrokaqiejsh. Square Mile do ketë gjithsej 11 kulla të reja, me më të lartën që do jetë me lart se çdo kullë ekzistuese.
Pamja e re vjen nga Korporata e qytetit të Londrës, e cila tha se 500,000 metra katrorë hapësirë të re për zyra është miratuar ose është në ndërtim e sipër, me 500,000 metra katrorë të tjera hapësirë që janë propozuar. Projektet e kryera janë afërsisht të barabarta në madhësi me 70 fusha futbolli.
Deri tani, reagimi ndaj këtyre përshtypjeve të horizontit të ardhshëm ka qenë kryesisht armiqësor. Një komentues në X, i njohur më parë si Twitter, tha se kullat do e kthenin qytetin në “Lonhattan”, ndërsa të tjerë vunë në dyshim mençurinë e ndërtimit të ndërtesave të veshura me xham gjatë një krize klimatike dhe rrugëve të etura për dritë.
Për më tepër, në një periudhë kur hapësira për zyra është më pak e kërkuar, rrokaqiejt e rinj mund të mbushin Londrën e uritur nga banesat me më shumë hapësira komerciale. Londra Qendrore ka një përqindje të vendeve të lira të zyrës prej rreth 8.5%, sipas një raporti nga ndërmjetësi CBRE Group Inc.
Ndërtesa të larta janë shfaqur aty për dhjetëvjeçarë të tërë, të ndërtuara në mënyrë tipike në vendet jo të strukturave historike, por të komplekseve të zyrave të viteve 1960 dhe 1970.
Dhe ndërsa disa nga këto kulla – veçanërisht Gherkin – janë bërë shumë të pëlqyera, disa të tjera kanë ngjallur debate të dukshme estetike dhe praktike, në veçanti Walkie-Talkie, një ndërtesë me aq të meta sa dukej se ishte projektuar për të antagonizuar të gjithë.
