Një automjet tip “ BMV “ ka marrë flakë në ecje në aksin Fier-Patos, në afërsi të Portezës. Automjeti tip “BMV” është përfshirë nga flakët, e më pas ka përfunduar në kanalin anësor të rrugës.
Si pasojë drejtuesi i mjetit dhe pasagjeri kanë arritur të dalin me lëndime të lehta.
Dyshohet se shkak ka qenë një defekt elektrik që ka shkaktuar flakët.
Shërbimi zjarrfikës ka mbërritur menjëherë në vendngjarje, i cili ka bërë të munduar shuarjen e flakëve.
Ndërkohë në vendngjarje ndodhet dhe policia dhe ekspertët e qarkullimit rrugor për të përcaktuar shkaqet.
Njoftimi i Policisë:
Fier/Informacion paraprak
Rreth orës 19:50, në aksin rrugor “Fier-Patos”, ka marrë flakë, në ecje e sipër, automjeti tip “BMW”.
Nga flakët kanë marë dëmtime në trup drejtuesi i mjetit dhe pasagjeri, shtetasit E. Sh., 35 vjeç dhe D. Sh., 41 vjeç, të dy banues në Drizë, Fier, të cilët ndodhen në spital, në kujdesin e mjekëve.
Paraprakisht dyshohet se zjarri ka rënë për shkak të një defekti në mjet.
Grupi hetimor po punon për sqarimin e plotë të rrethanave të ngjarjes.
