Kreu i Partisë së Lirisë, Ilir Meta ka reaguar në lidhje me zhvlerësimin e monedhës europiane, euro.
Përmes një mesazhi në ‘Facebook’ Meta, krizën e euros e lidh me interesat e drejtpërdrejta të qeverisë, ç’ka ka detyruar bizneset të mbyllin mijëra vende pune.
Ai thekson se 30 persona në ditë, sipas vetë burimeve të këtij sektori humbasin vendin e punës.
“Ndërkohë që kriza e Euros, pra nënçmimi i saj, që në vlerësimin tonë nuk ka të bëjë vetëm me pasivitetin e qeverisë, por edhe me interesat e saj të drejtpërdrejta ka detyruar bizneset e sidomos biznesin fason për të mbyllur mijëra e mijëra vende pune, duke futur në një krizë të thellë këtë sektor. 30 persona në ditë, sipas vetë burimeve të këtij sektori humbasin vendin e punës për shkak të kësaj krize të nënçmimit të qëllimshëm të Euros dhe të mos marrjes së asnjë mase nga ana e qeverisë.”, tha Meta.
