Policia në shtetin amerikan të Hawai-t ka konfirmuar vdekjen e të paktën 80 personave për shkak të zjarreve masive që kanë shpërthyer në ishullin Maui që nga e marta.
Guvernatori Josh Green parashikoi se fatkeqësia natyrore mund të ishte më e madhja e këtij lloji në historinë e shtetit të arkipelagut.
Në fundjavë shefi i policisë së qarkut Maui, John Pelletier zbuloi se numri i të vdekurve ishte rritur nga 36 në 80. Kur u pyet nga gazetarët për numrin e personave të zhdukur, zyrtari tha ‘sinqerisht, ne nuk e dimë’.
Duke folur në një konferencë shtypi në të njëjtën ditë, Guvernatori Green, nga ana tjetër, paralajmëroi se ishulli ‘do vazhdojë të shohë humbje jetësh’, me rikuperimin e mbetjeve të viktimave që ka të ngjarë të marrë ditë, ndoshta edhe javë.
Sipas guvernatorit Green, kostoja e rindërtimit të qytetit historik të Lahaina, ku zjarret e kanë shkatërruar, ka të ngjarë të shkojë në miliarda dollarë dhe do të duhen vite për t’u përfunduar.
