Grupi parlamentar i PD-së i ka quajtur veprime përçarëse ato të ish-kreut Lulzim Bashae mbështetësve të tij që kanë lajmëruar zgjedhjet për kreun e ri të partisë.
Në një deklatatë për shtyp, grupi thekson se PD-ja duhet forcuar e jo shndërruar në parti familjare duke bërë thirrje për maturi.
Deputetët që janë kundër zgjedhjes së kreut të ri të PD-së më 29 korrik mbështetën vendimin e Këshillit Kombëtar dje për anulimin e zgjedhjeve. Grupi parlamentar nënvizon se beteja duhettë jetë kundër Edi Ramës ee qeverisjes së tij.
“Grupi Parlamentar i Partisë Demokratike apelon për maturi, për ofrimin e zgjidhjeve dhe jo thellimin e përcarjes; forcimin e partisë dhe jo shndërrimin e saj një parti familjare; respektimin e vendimit të Këshillit Kombëtar të Partisë Demokratike dhe jo rrugë antistatutore që kanë treguar që nuk të cojnë askund përveçse mbajnë nën konflikt permanent PD dhe forcojnë Edi Ramën. Dje Këshilli Kombëtar i PD, organi më i lart vendimmarrës në PD, ka vendosur anullimin e datës 29 Korrik për zgjedhjet e kryetarit të PD. Ky vendim është i detyrueshëm për cdo anëtar të PD dhe për cdo funksionar të saj. Por nesër Lulzim Basha ka lajmëruar një akt përçarës të Partisë Demokratike. Interesi i demokratëve është lufta e të gjithëve bashkë, kundër Edi Ramës.” – shkruhet në reagim.
Më tej deputetët demokratë shkruajnë se interesi i Lulzim Bashës duket se është përçarja, zvogëlimi, lufta e armiqësia e demokratëve duke ndërtuar një parti personale që i shërben vetëm atij.
Në fund grupi parlamentar i cilëzon zgjedhjet për kreun e ri të thirrura nga grupi i Bashës të pavlefshme, antistatutore e turp që thellon ndasitë mes demokratëve.
“Interesi i Lulzim Bashës po duket që është përçarja, zvogëlimi, lufta dhe armiqësia mes demokratëve dhe ndërtimi i një partie personale, që i shërben vetëm interesit të tij personal. Në vijim të ndërtimit të një partie personale, nesër sipas tij do të zgjidhet Kryetari i Partisë. Qartësisht ajo që po bën Lulzim Basha nuk ka lidhje me Partinë Demokratike. Këshilli Kombëtar i PD në detyrë, funksional, i regjistruar në gjykatë dhe me mandat që i përfundon më 17 Korrik 2025, ka vendosur me vendimin e datës 27 Korrik 2023 anullimin e zgjedhjeve. Proceset antistatutore, nuk janë asgjë tjetër, vetëm një akt turpi për të dëmtuar PD, për të mbajtur gjallë ndasitë mes demokratëve dhe për të shfokusuar PD nga beteja me regjimin e Edi Ramës.” – mbyllet deklarata.
