Prokurori i posaçëm amerikan që ndjek penalisht Donald Trump për keqpërdorim të dyshuar të dokumenteve të klasifikuara, ka akuzuar ish-presidentin për komplot se ka fshirë pamjet mundësisht inkriminuese të kamerave të sigurisë në resortin e tij në Florida, Mar-a-Lago.
Jack Smith paditi një tjetër nga punonjësit e Trump për përfshirje të supozuar në fshehjen e provave të mundshme në këtë rast.
Akuzat e reja, të zbuluara të enjten në një aktakuzë të përditësuar të jurisë së madhe, kanë të bëjnë me një skemë të supozuar nga Trump dhe dy ndihmës – një punonjës i paditur më parë dhe një mbikëqyrës i mirëmbajtjes në Mar-a-Lago – për të fshirë pamjet që mund të tregojnë punonjësit e tij të lëvizin kutitë e dokumenteve përpara një kontrolli të mundshëm të FBI-së.
Trump, i cili u deklarua i pafajshëm muajin e kaluar për 37 akuza penale në lidhje me dokumentet e klasifikuara që ai mbajti pas largimit nga Shtëpia e Bardhë në vitin 2021, tani përballet me dy akuza shtesë për pengim dhe një akuzë shtesë për mbajtjen me dashje të sekreteve të mbrojtjes kombëtare. Akuzat shtesë u ngritën gjithashtu kundër një ndihmësi të Trump, i cili u padit muajin e kaluar, Ëalt Nauta.
