Komanda Qendrore e Shteteve të Bashkuara (CENTCOM) tha të dielën se udhëheqësi i Daesh/ISIS ishte vrarë në një sulm me dron në Sirinë lindore.
Në një deklaratë, komandanti i CENTCOM, gjenerali Michael Kurilla tha se sulmi që kishte në shënjestër shefin e DAESH/ISIS Osama al-Muhajer u krye më 7 korrik.
“Ne e kemi bërë të qartë se ne mbetemi të përkushtuar ndaj mposhtjes së Daesh/ISIS në të gjithë rajonin”, tha Kurilla.
“Daesh/ISIS mbetet një kërcënim, jo vetëm për rajonin, por edhe më gjerë,” shtoi ai.
Asnjë civil nuk u vra në sulmin me dron, tha CENTCOM.
