Tre policët që u rrëmbyen në veri të Kosovës, janë liruar sot, raportojnë mediat në Kosovë.
Rifat Zeka, Beqir Sefi dhe Mustafë Shemi, u rrëmbyen më 14 qershor brenda territorit të Kosovës.
Ata dolën sërish sot para Gjykatës së Kralevës në Serbi, ku edhe u mor vendimi për lirimin e tyre.
Arrestimi i tre policëve ka nxitur reagime të shumta në vend, ku u kërkua lirimi i menjëhershëm dhe pa kushte.
Lirimin e tre policëve e kanë kërkuar Bashkimi Evropian dhe Shtetet e Bashkuara të Amerikës.
