Një lojtare ruse i lojës me letra, që dyshohet se kishte një lidhje me bashkëthemeluesin e Microsoft, Bill Gates disa vite më parë, kishte lidhje me Anna Chapman, një spiune e supozuar e Kremlinit, e cila u arrestua me akuza spiunazhi në Shtetet e Bashkuara në vitin 2010, sipas një raporti të gazetës britanike The Daily Mail.
Mila Antonova – një lojtare e Bridge për të cilën raportet e shumta të mediave këtë javë pretendojnë se kishte një lidhje me Gates duke filluar nga viti 2009 – u kap në një fotografi të sapozbuluar duke ecur përkrah Chapman në New York City.
Fotografia, besohet se është bërë në vitin 2009 ose 2010, afërsisht në të njëjtën kohë me përpjekjet e supozuara të Gates me Antonova-n shumë vite më të re, pretendon gazeta.
Raporti shton se Antonova ishte një ‘bashkëpunëtor dhe përfituese financiare e financierit të ndjerë dhe të dënuar për shkelje seksuale Jeffrey Epstein’. Hollësitë në lidhje me marrëdhënien mes Antonova dhe Chapman, vajzës së një ish-oficeri të KGB-së dhe që u deportua nga SHBA, mbeten të panjohura.
Lidhja e supozuar mes Gates dhe Antonova doli në dritë këtë javë pas një rrjedhjeje të të dhënave të Epstein në Wall Street Journal. Daily Mail thekson se nuk ka asnjë sugjerim për ndonjë shkelje nga Antonova dhe se përpjekjet për të kërkuar sqarime mbi këtë çështje nga përfaqësuesit e Gates këtë javë kanë qenë të pasuksesshme.
Shfaqja e fotografisë vjen disa ditë pas raportimit që sugjeroi se Epstein kishte kërcënuar se do ekspozonte lidhjen e supozuar të Gates me Antonova, e cila thuhet të ketë ndodhur menjëherë pasi dyshja u takuan në një turne të lojës me letra Bridge në Uashington, DC në vitin 2009.
Në vitin 2017, vite pasi Gates dhe Antonova i kishin dhënë fund lidhjes së tyre të pretenduar, Epstein i dërgoi email Gates duke kërkuar që të rimbursohej për tarifat e shkollës që Epstein kishte paguar që Antonova të ndiqte një kurs programimi kompjuterik, raportoi Ëall Street Journal duke cituar dokumentet që publikimi kishte parë.
WSJ shtoi se ‘toni i mesazhit ishte se Epstein dinte për këtë çështje dhe mund ta ekspozonte atë’, dhe se erdhi pasi Gates kundërshtoi një kërkesë të Epstein për t’u bashkuar me një sipërmarrje financiare në të cilën ai ishte i përfshirë.
Chapman u deklarua fajtore për akuzat e SHBA-së për komplot duke vepruar si agjente e paregjistruar në vitin 2010 dhe u deportua në Rusi në të njëjtin vit si pjesë e një marrëveshjeje të shkëmbimit të të burgosurve midis Uashingtonit dhe Moskës, së bashku me nëntë shtetas të tjerë rusë të cilët ishin akuzuar gjithashtu nga autoritetet amerikane për spiunazh.
Antonova, e cila besohet të jetë 39 vjeç, aktualisht banon në Kaliforni.
