Në lidhje me situatën e përmbytjeve që kanë përfshirë kryesisht veriun e vendit, ka reaguar edhe Anëtari i Këshillit Drejtues Kombëtar i Partisë së Lirisë, Klodian Gradeci.
Nëpërmjet një postimi në Facebook, Gradeci shprehet se vendi po përballet me përmbytjet, ndërsa qeveria me ‘thatësirat’.
Ai fajin për gjithë këtë gjendje ja ngarkon qeverisë si pasojë e keqmenaxhimit në sektorin energjitik.
Permbytjet e Shkodres e kane edhe nje arsye jo natyrore pse ndodhin.
Ato jane pasoje e keq administrimit te sektorit energjetik ne Shqiperi.
Paradoksalisht Shqiperia ka ne zbatim ne kete kohe permbytjesh nje emergjence energjitike te miratuar ne Tetor 2021 Nr.584, per shkak te thatesiret dhe nivelit shume te ulet ne HEC-et e kaskades se Drinit.
Emergjencat civile aktualisht jane angazhuar ne perballimin e permbytjeve, ndersa qeveria po perballet me “thatesirat”.
Nderkohe, njekohesisht me vendimet absurde te qeverise, KESH vazhdon shitjet me profile absurde sepse detyrimin e sherbimit publik po e garantojne prodhuesit private te energjise ne vend.
OSHEE i paguan keta prodhues private 8.56 Leke/kWh, ndersa KESH e shet 56.6 Euro/MWh ose 0.056 Euro/kWh.
Taksirat per qytetaret shkodrane dhe shqiptare!
Sektori energjisë eshte katandisur si ato shkarravinat me forma pa kuptim qe behen ne mbledhjet e qeverise! – shkruan Gradeci.
