Twitter ka krijuar një sërë pengesash që janë përdorur nga moderatorët për të parandaluar postimet dhe temat specifike, ose për të kufizuar dukshmërinë e llogarive të tëra pa dijeninë e përdoruesve, sipas korrespondencës së brendshme dhe intervistave me burime të shumta të nivelit të lartë brenda kompanisë.
Pavarësisht garancive të përsëritura publike nga zyrtarët e lartë të Twitter-it se kompania nuk ‘ndalon në hije’ përdoruesit, veçanërisht jo ‘bazuar në pikëpamje politike apo ideologjike’, praktika ekzistonte në fakt nën eufemizmin e ‘filtrimit të dukshmërisë’, sipas gazetarit Bari Weiss, i cili publikoi pjesën e dytë të të ashtuquajturave ‘Twitter Files’.
Moderatorët e Twitter kanë fuqinë për të shtuar përdoruesin e padëshiruar në kategori të tilla si ‘lista e zezë e tendencave’, ‘Kërko në listën e zezë’ dhe ‘mos amplifiko’, për të kufizuar shtrirjen e një postimi të veçantë ose zbulueshmërinë e të gjithë llogarisë – të gjitha pa dijeninë e përdoruesve apo ndonjë paralajmërim.
Weiss vuri në dukje se mjetet madje u përdorën për të kufizuar shtrirjen e akademikëve, përfshirë Dr. Jay Bhattacharya të Universitetit të Stanfordit, i cili nxiti polemika pasi sfidoi efektivitetin e bllokimeve të Covid-19 dhe urdhrat e tjerë gjatë pandemisë. Ai përfundoi në ‘listën e zezë’ të Tëitter, duke i mbajtur postimet e tij jashtë seksionit të tendencës së faqes, tregojnë dokumentet.
Megjithatë, mbi moderatorët e zakonshëm ishte një tjetër ‘grup sekret’ që trajtonte çështjet në lidhje me ‘ndjekësit e lartë’, ‘të diskutueshëm’ dhe përdoruesit e tjerë të shquar.
E njohur si ‘politika e integritetit dhe mbështetja e përshkallëzimit të politikave’, ekipi përfshinte drejtues të nivelit të lartë si ish-shefen ligjore të Politikave e Mirëbesimit, Vijaya Gadde, shefin e Besimit dhe Sigurisë, Yoel Roth dhe shefin ekzekutiv Jack Dorsey.
Publikimi i dokumenteve u miratua nga shefi i ri i kompanisë, Elon Musk, i cili pasi mori drejtimin e Twitter në tetor shkarkoi disa drejtues të lartë, duke përfshirë Gadde dhe Roth dhe anuloi disa nga vendimet e mëparshme të Tëitter, si bllokimi i përhershëm i llogarisë së ish-presidentit Donald Trump.
